සමලිංගික විවාහ සඳහා අවසර දෙන ලෙස ඉන්දීය ශ්‍රේෂ්ඨාධිකරණය රජයට නියෝග කරයි

සමලිංගික විවාහ සඳහා අවසර දෙන ලෙස ඉන්දීය ශ්‍රේෂ්ඨාධිකරණය රජයට නියෝග කරයි

- Indian Media - adaderana.lk
❤🌸  ❤🌸  ❤🌸  ❤🌸  ❤🌸

සමරිසි යුවළකට දරුවන්  සෑදීමේ අයිතිය ඉන්දියානු ශ්‍රේෂ්ඨාධිකරණය මගින් අද  තහවුරු කරන ලදී.

2018 වර්ෂයේ දී ඉන්දියාව සමරිසි සම්බන්ධතා නීතිමය වශයෙන්  තහවුරු කරන ලද අතර අද  ලබා දුන් තීරණයද ඓතිහාසික වේ.

සමරිසි විවාහ සම්බන්ධ තීරණය ගැනීම ඉන්දීය ශ්‍රේෂ්ඨාධිකරණය ඉන්දියානු  පාර්ලිමේන්තුවට පවරා ඇත.
(උපුටා ගැනිම අවසන් )
----------------------------------------------------------------

ලාංකීකයන් වශයෙන් බොහො දෙනෙක් මගෙන් අසන පැනය වන්නේ සමලිංගිකත්වය නිතී ගත කලයුත්තේ ඇයිද යන්නයි...
සිරකරුවෝ ද මනුස්සයෝය පමණක් නොව සමලිංගිකයෝද  මනුස්සයෝය යන්න පැහැදිලි කලයුතුව ඇත. තවමත් වික්ටෝරියානු යල් පැනගිය නිතී පද්ධතියකින් පාලනය වන අප ලෝක සෞඛ්‍ය සංවිධානය සමලිංගිකත්වය මානසික රෝගයක් නොවන බවට ප්‍රකාශ කර ඇති පසුබිමක එම ප්‍රජාවගේ ජිවත් වීමේ අයිතිය තහවුරු කල යුතු නොවේද?

තවමත් තමන් කැමති සහකරු හෝ සහකාරිය සමග ප්‍රේමයෙන් බැදීමට හා විවාහ ජිවිතයක් ගත කිරිමට, දරුවන් රැකබලා ගැනිමට ඔවුන්ට අවසර ලබා නොදීමට ඇති සදාචාරාත්මක අයිතිය කවරේද?

දණ්ඩ නිතී සංග්‍රහයේ  365 සහ 365 (අ) වගන්ති මගින් හා අයාලේ යෑමේ පනත මගින්ද දැනටමත් සමලිංගික ප්‍රජාවගේ ජිවත් වීමේ අයිතිය අපගේ නිතී පද්ධතිය විසින් අභියෝගයට ලක් නොකරන්නේද?

නිතීය ඇත්තේ සමාජයේ යහපැවැත්ම උදෙසා වන අතර ඒම නිතී පද්ධතිය නිසා කිසිදු ජන කොට්ඨාසයකට අගතියක් සිදුවිය නොහැක. අප දිර්ඝ ඉතිහාසයක් ඇති සේම යහපත් සදාචාරාත්මක සංස්කෘතිකයකට උරුමකම් කියන සමාජයක් ලෙස සමලිංගික ප්‍රජාවගේ ජිවත්විමේ මුලික අයිතිය උල්ලංගනය කල යුතුද?

සබුද්ධික ජන සමාජයක් ප්‍රජාතන්ත්‍රවාදී පාලනය පිළිබඳව දැඩි විශ්වාසයකින් පසුවෙන අතර ප්‍රජාතන්ත්‍රවාදයේ පැවැත්ම නිතී රිති අණ පනත් තුලින් ප්‍රතිස්ථාපනය කරයි. යම් නිතියක් මගින් යම් ජන කණ්ඩායමකට හෝ ජන කොට්ඨාසයකට ලබා දෙන පිළිගැනිම සදාචාරසම්පන්න සමාජයක් පිළිගෙන ඒ සදහා අනුගත වෙයි.

සමලිංගික ප්‍රජාවට සමාජය තුළ යම් පිළිගැනිමක් හා සමාජ සන්දර්භයේ අවස්ථා ලබා දීමට නම් නිතීමය රාමුව තුල දී ඔවුන්ට ඇති නිතීමය අවකාශය පුළුල් කල යුතු අතරම ඔවුන්ව අභියෝගට ලක් වන නිතී පරිච්චින්න කල යුතුව ඇත. ශිෂ්ට සම්පන්න සමාජයක යම් ජන කණ්ඩායමකට හෝ ජන කොට්ඨාසයකට පිළිගැනිම ඇති වන්නේ එම සමාජයේ පිළිගත් නිතී පද්ධතියේ අවසරය ලැබෙන විට බැවින් සමලිංගික ප්‍රජාවට සමාජයේ පිළිගැනිමට සමලිංගිකත්වය නිතී ගත කල යුතුව හෝ එය අභියෝගයට ලක්වන නිතී ඉවත් කල යුතුව ඇත.

තවද ඉන්දියාව ආසියාතික රටක් වුවත් ඉතාමත් ප්‍රගතිශීලී පියවරක් ගෙන ඇත. ඔවුන්ගේ මෙම ක්‍රියාවලිය මගින් ආසියාවේ අනෙකුත් රටවල සිටින  සමලිංගික ප්‍රජාව ලිංගික ශ්‍රමිකයන් ලෙස බලන සමාජයට අතුල් පහරක් දී ඇත. සමලිංගිකත්වය නිර්සාපරාධිකරණයෙන් නොනැවති ඔහුටද ඉතාමත් සදාචාරසම්පන්න ලෙසත් ශිෂ්ට ලෙසත් ජිවත් වීමට පාර්ලිමේන්තු කමිටුවකින් අවකාශය ලබා දීම ඉන්දිය අධිකරණ නිර්දේශ කොට ඇත. සමලිංගික ප්‍රජාව වෙන් කොට සැලකිමෙන් ඉවත්ව අනෙකුත් සමාන්‍යය පුරවැසියන් ලෙස සැලකිමට ඉන්දියාව ඉදිරි අනාගතයේ දී කටයුතු කරන්නේය.

ලාංකීකයන් ලෙස අප ද මෙවැනි ගෝලීය ක්‍රියාමාර්ග දෙස ඉතාමත් විනිවිදභාවයකින් නිරික්ෂය කර ලංකාවේ සිටින සමලිංගික ප්‍රජාවට ඔවුන්ගේ අයිතිය ලබා දීමට අවශ්‍ය සමාජ සන්දර්භය හා දේශපාලන වටපිටාව සකස්කළ යුතුව ඇත. ලෝකය යාවත්කාලීන වෙමින් පවතින බැවින් ලංකීකයන් වන අප ද ලිං මැඩියන් සේ පූජ්‍ය වස්ත්‍රයන්ට හා හිස කෙස් පැසුණු මතයන්ට වසන් නොවී නව ලෝකය කරා ඉගිලීමට නම් සමලිංගික ප්‍රජාවට ද ඔවුන්ගේ ජිවත් විමේ අයිතිය ලබා දෙමින් ශිෂ්ට සම්පන්න සමාජයක් කරා පියනගමු.

✒️ මම ඔම්ශාන්
📷 ජායාරුපය හා උපුටා ගැනිමේ අයිතිය Thushara Manoj සතුය.